| Nýtt viðmiðunarverð 1. júlí 2011 |
 |
Á fundi hagsmunasamtaka sjómanna (SSí, FFSÍ, VM) og útvegsmanna (LÍÚ, LS), þann 28. júní 2011 var ákveðið að hækka verð á slægðum og óslægðum ufsa sem ráðstafað er til eigin vinnslu eða seldur til skyldra aðila, um 5%. Breytingin tekur gildi 1. júlí 2011.
Breyting þessi er gerð með tilvísun í 1. gr. laga nr. 13/1998
| Ný heimasíða Verðlagsstofu skiptaverðs |
|
Verið velkomin á nýja heimasíðu Verðlagsstofu skiptaverðs.
Að undanförnu hefur heimasíða Verðlagsstofu verið í endurskoðun og hefur nú litið dagsins ljós. Markmið okkar er að allar upplýsingar sem ekki eru bundnar trúnaði verði aðgengilegar notendum. Við vonum að notendur verði ánægðir með breytingarnar og allar ábendingar um það sem betur mætti fara eru vel þegnar. Heimasíðan mun taka breytingum eftir óskum ykkar.
Undir liðnum hér til hliðar, "Tilkynningar", munu koma tilkynningar um t.d. nýtt viðmiðunarverð eða það sem Verðlagsstofa vill koma sérstaklega á framfæri til ykkar.
Tilkynningar
Afgreiðslutími virka daga
kl. 9:00 - 15:00
Millifærslur óheimilar án fiskverðssamninga
Að gefnu tilefni skal bent á að skv. 4. gr. laga nr. 13/1998 um Verðlagsstofu skipaverðs og úrskurðarnefnd sjómanna og útvegsmanna, er útgerð skylt að senda Verðlagsstofu án tafar alla samninga um fiskverð sem gerðir eru milli útgerðar og áhafnar eins og kjarasamningar segja til um að skuli gera.
Í 6. gr. sömu laga er tekið fram að Verðlagsstofa skuli að beiðni Fiskistofu og í tilefni af framsali aflamarks skv. 15. gr. laga nr. 116/2006, um stjórn fiskveiða, staðfesta að fyrir liggi samningur á milli útgerðar og áhafnar um fiskverð til uppgjörs.
Flutningur aflamarks á skip er því ekki heimill nema fyrir liggi hjá Verðlagsstofu fiskverðssamningur á milli áhafnar og útgerðar eða yfirlýsing um að ekki sé greiddur aflahlutur til annarra sjómanna en eiganda/eigenda (einn á báti). Eyðublöð þess efnis má finna hér efst á síðunni, undir liðnum Eyðublöð.
_______________________________________
Til sjómanna og útvegsmanna v/ byggðakvóta
Til þess að útgerð geti flutt aflamark á skip verður að liggja fyrir fiskverðssamningur á milli útgerðar og áhafnar, um ráðstöfun afla, sem samþykktur hefur verið af Verðlagsstofu. Verð á þorski, ýsu, karfa og ufsa í beinum viðskiptum á milli skyldra eða óskyldra aðila skal aldrei vera lægra en viðmiðunarverð á þessum tegundum er hverju sinni.
Nokkuð hefur borið á því að útgerðir sem hafa fengið byggðakvóta og landa afla í heimabyggð telja sig geta samið við sjómenn um verð sem er talsvert undir viðmiðunarverði.
Skv. 7. gr. reglugerðar nr. 605/2015, um úthlutun byggðakvóta til fiskiskipa á fiskveiðiárinu 2015/2016, er slíkt ekki leyfilegt.
Af þessu tilefni vill Verðlagsstofa benda útgerðum og sjómönnum á að Verðlagsstofa getur ekki samþykkt slíka fiskverðssamninga á milli útgerða og áhafna. Það er með öðrum orðum óheimilt að gera slíka samninga.
____________________________________
Afgreiðslutími virka daga
kl. 9:00 - 15:00
